«Մանչեսթեր Սիթիի» նախկին հարձակվող Սերխիո Ագուերոն կարծում է, որ «Սիթին» դեռ երկար ժամանակ կլինի Պրեմիեր Լիգայի գլխավոր ֆավորիտը։
«Կարծում եմ՝ «Սիթին» դեռ երկար տարիներ կլինի ֆավորիտ, սա է իրականությունը։ Նրանք երկարաժամկետ պայմանագրերով շատ լավ ֆուտբոլիստներ ունեն: Եվ ճշմարտությունն այն է, որ, այո՛, նրանք միշտ ֆավորիտ են:
Բայց վերջիվերջո, երբեմն ֆուտբոլում ամեն ինչ այնպես չի ստացվում, ինչպես ուզում ես, բայց ես կարծում եմ, որ Խոսեպն այդ առումով շատ խելացի է: Նա շատ լավ մոտիվատոր է, նա այնպես է անում, որ ֆուտբոլիստները չկորցնեն կենտրոնացումը, իսկ դա հատկապես վերաբերում է Հոլանդին։
Կարծում եմ՝ Գվարդիոլային դուր է գալիս Հոլանդի ոճը, և նա տիրապետում է այն խաղաոճին, որը Խոսեպը մշակել է հատուկ նրա համար։ Նա պարզապես պետք է ավարտի գրոհները, և ես կարծում եմ, որ Հոլանդը շատ բան է բերում «Սիթիին»: Հուսանք, որ նա այսպես կշարունակի, քանի որ դա հեշտ չէ:
Իսկապես, տարեցտարի դժվար է մնալ բարձր մակարդակի վրա։ Բայց ես կարծում եմ, որ քանի դեռ Գվարդիոլան մնում է գլխավոր մարզիչ, նրանք կմնան բարձր մակարդակի վրա, և ամեն ինչ կախված է Հոլանդից։ Ամեն ինչ կախված է երկուսից»,- Ագուերոյի խոսքերն է մեջբերում Stake-ը:
