Մադրիդի «Ռեալի» գլխավոր մարզիչ Կառլո Անչելոտտին «Ռեալ Սոսյեդադի» հետ երեկ կայացած հանդիպումից հետո (2:1) կիսվել է թիմի հարձակվող Խոսելուի խաղի մասին իր կարծիքով։ Հարձակվողը խփեց հաղթական գոլը։
«Այս տղան ապագայում կարող է հիանալի խաղալ, լավ է խաղում թիկունքով դարպասին: Մենք հիանալի հասկանում ենք, թե նա ինչ օգուտ կարող է բերել թիմին։
Խոսելուն խաղում է կարեւոր դիրքում, մենք այլեւս չունենք նման որակներով ֆուտբոլիստներ։ Նման ֆուտբոլիստը մեզ պակասում էր նախորդ մրցաշրջաններում»,- իտալացի մասնագետի խոսքերն է փոխանցում Marca պարբերականը։
Խոսելուն ամառային տրանսֆերային պատուհանի ժամանակ միացավ Մադրիդի «Ռեալին»: Լա Լիգայում նա անցկացրել է հինգ հանդիպում, խփել երկու գոլ և կատարել մեկ գոլային փոխանցում։
