«Լիոնի» նոր մարզիչը կլինի «Միլանի» և «Նապոլիի» նախկին գլխավոր մարզիչ Ջենարո Գատուզոն։ Այս մասին իր պաշտոնական կայքում հայտնում է լրագրող Ջանլուկա դի Մարցիոն։
Ըստ աղբյուրի՝ կողմերը համաձայնության են եկել։ Իտալացի մասնագետը պայմանագիր կկնքի «Լիոնի» հետ պայմանագրի վերջնական մանրամասների համաձայնեցումից հետո։
Նշվում է, որ ֆրանսիական ակումբի ղեկավարությունը հետաքրքրված է, որ Գատուզոն հնարավորինս շուտ գնա Ֆրանսիա։ Իտալացին կարող է իր նորամուտը նշել Լիգա 1-ի «Հավրոմի» հետ խաղում։
«Լիոնն» այս պահին գտնվում է Լիգա 1-ի արտագնա գոտում՝ զբաղեցնելով մրցաշարային աղյուսակի վերջին՝ 18-րդ հորիզոնականը։ Չորս տուրից հետո թիմն ունի ընդամենը մեկ միավոր։ Առաջնության մեկնարկում «Օլիմպիկը» ոչ-ոքի խաղաց «Նիցայի» հետ (0:0), ինչպես նաև պարտվեց Ստրասբուրգին (1:2), Մոնպելյեին (1:4) և ՊՍԺ-ին (1:4):
