Մադրիդի «Ատլետիկոյի» հարձակվող Անտուան Գրիզմանը երբեք չի մտածել Սաուդյան Արաբիա տեղափոխվելու մասին, չնայած այն հանգամանքին, որ նրա ծառայություններով հետաքրքրված էին տեղի մի շարք ակումբներ, հայտնում է լրագրող Ֆաբրիցիո Ռոմանոն։
Աղբյուր համաձայն՝ 32-ամյա Գրիզմանին Սաուդյան Արաբիայում մեծ աշխատավարձ են առաջարկել, սակայն ֆրանսիացին նույնիսկ չի ցանկացել քննարկել իր տեղափոխությունը Մադրիդի «Ատլետիկոյից»։
Աղբյուրը նաև նշել է, որ Գրիզմանը չի բանակցել ՊՍԺ-ի հետ։ Ֆուտբոլիստը հավատարիմ է Մադրիդի «Ատլետիկոյին» և չի պատրաստվում հեռանալ թիմից։
