Սաուդյան Արաբիայի «Ալ-Ահլին» բանակցություններ է սկսել Մադրիդի «Ատլետիկոյի» հետ կիսապաշտպան Ռոդրիգո Դե Պոլի տրանսֆերի համար, հայտնում է հայտնի ինսայդեր Ֆաբրիցիո Ռոմանոն իր Twitter-ում։
Աղբյուրի համաձայն՝ Դե Պոլը դարձել է «Ալ-Ահլիի» առաջնահերթ թիրախը «Նապոլիի» կիսապաշտպան Պյոտր Զիելինսկու գործարքի ձախողումից հետո։ Սաուդցիները վճռական են տրամադրված այս տրանսֆերային պատուհանի ընթացքում Մադրիդի «Ատլետիկոյի» 29-ամյա արգենտինացի կիսապաշտպանին ձեռք բերելու հարցում, թեև նշվում է, որ բանակցությունները հեշտ չեն լինելու։
Ռոդրիգո Դե Պոլը, ով նախորդ տարի Արգենտինայի հավաքականի հետ դարձել է աշխարհի չեմպիոն, Մադրիդի «Ատլետիկոյում» հանդես է գալիս 2021 թվականից։ Նախորդ մրցաշրջանում կիսապաշտպանը Լա Լիգայում անցկացրել է 30 հանդիպում «Ատլետիկո Մադրիդի» կազմում՝ դառնալով 2 գոլի և 7 գոլային փոխանցման հեղինակ:
