Լա Լիգայի երկրորդ տուրի խաղում Մադրիդի «Ռեալը» հաղթեց «Ալմերիային» (3:1): Մադրիդցիների կիսապաշտպան Ջուդ Բելինգհեմն այս խաղում դարձել է երկու գոլի և մեկ գոլային փոխանցման հեղինակ։ Անցած շաբաթավերջին նա գոլ խփեց նաև «Ատլետիկի» դեմ խաղում (2-0):
Այսպիսով, անգլիացին դարձավ առաջին ֆուտբոլիստը Կրիշտիանու Ռոնալդուից հետո, ով գոլ խփեց Մադրիդի «Ռեալի» կազմում Լա լիգայի իր առաջին երկու խաղերում։
Պորտուգալացին այս նվաճմանը հասել է 2009թ.։ Հետո նա չորս խաղում անընդմեջ գոլ հեղինակեց։
20-ամյա Բելինգհեմը «Ռեալ» է տեղափոխվել այս ամառ Դորտմունդի «Բորուսիայից»: Կիսապաշտպանի տրանսֆերային արժեքը կազմել է 103 միլիոն եվրո։Բելինգհեմի պայմանագիրը մադրիդյան ակումբի հետ նախատեսված է մինչև 2029 թվականի հունիսը։
