Արաբական չեմպիոնների ակումբային գավաթի եզրափակիչ խաղում հանդիպեցին Սաուդյան Արաբիայի երկու ակումբներ՝ «Ալ-Հիլալն» ու «Ալ-Նասրը»։ Հանդիպումը կայացել է Սաուդյան Արաբիայի Ռիադ քաղաքի «Քինգ Ֆահդ» միջազգային մարզադաշտում։

Առաջին խաղակեսում թիմերը չկարողացան իրացնել իրենց հնարավորությունները։ Հիմնական ժամանակի երկրորդ կեսում երկու ակումբներն էլ կարողացան մեկական գոլ խփել։ 51-րդ րոպեին բրազիլացի Մայքլը եզրափակեց «Զենիթի» նախկին ֆուտբոլիստ Մալկոմի փոխանցումը, իսկ հետո 74-րդ րոպեին պորտուգալացի հարձակվող Կրիշտիանու Ռոնալդուն հավասարեցրեց հաշիվը և հանդիպումը տեղափոխեց լրացուցիչ ժամանակ։ Հարկ է նշել, որ 71-րդ րոպեից «Ալ-Հիլալը» խաղում էր 10 հոգով։ Հյուրերի կազմում հեռացվեց կենտրոնական պաշտպան Ալ-Ամրին, ինչպես նաև պաշտպան Ալ-Բուշայլը, ով պահեստայինների նստարանին էր։

98-րդ րոպեին Կրիշտիանու Ռոնալդուն դուբլի հեղինակ դարձավ և առաջ մղեց իր թիմին: Հանդիպման 103-րդ րոպեին խաղադաշտից հեռացվեց «Ալ-Նասրի» գլխավոր մարզիչ Լուիշ Կաստրուն։ «Ալ-Հիլալի» աստղային նորեկներ Ռուբեն Նևեշն ու Մալկոմը փոխարինվեցին 105+1-ին րոպեին։ Ռոնալդուն վնասվածքի պատճառով փոխարինվել է 115-րդ րոպեին։

Հանդիպումն ավարտվեց 2։1 հաշվով՝ հօգուտ «Ալ-Նասրի»:

Խաղի տեսությունը՝

https://youtu.be/zdC4CDVnTGE