«Մանչեսթեր Սիթիի» գլխավոր մարզիչ Խոսեպ Գվարդիոլան հասկացրել է, որ պատրաստ է քննարկել ակումբի հետ պայմանագիրը երկարաձգելու հարցը։
«Ես երկարաձգեցի պայմանագիրը ևս երկու տարով, քանի որ այստեղ ինձ հարմարավետ եմ զգում։ Այդ ժամանակից ի վեր ոչինչ չի փոխվել, և կարևոր չէ՝ մենք հաղթեցինք, թե չհաղթեցինք: Ես ուրախ եմ, և ժողովուրդը, հատկապես ղեկավարությունը, քանի որ ի վերջո նրանցից է կախված, թե որ մարզիչը կգլխավորի ֆուտբոլիստների այս խումբը։
Եթե նրանք երջանիկ են, ես նույնպես երջանիկ եմ: Ցանկանում եմ պաշտպանել մեր նվաճած տիտղոսները։ Միգուցե մրցաշրջանի վերջում, եթե հոգնեմ, մենք խոսենք ակումբի հետ կամ միգուցե երկարաձգենք պայմանագիրը»,- Գվարդիոլայի խոսքերն է մեջբերում The Telegraph-ը։
Հիշեցնենք, որ Գվարդիոլայի և ակումբի միջև գործող պայմանագիրը ուժի մեջ է մինչև 2025 թվականի հունիսը։
