«Չելսին» ցանկանում է թիմի հարձակվող Պյեր-Էմերիկ Օբամեյանգին վաճառել սաուդյան ակումբներին, հայտնում է Ֆաբրիցիո Ռոմանոն:
Աղբյուրի համաձայն՝ ակումբների հետ բանակցությունները շարունակվում են։ Մինչ այժմ հետաքրքրված եվրոպական ակումբների համար ամենամեծ խոչընդոտը մնում է 34-ամյա ֆուտբոլիստի բարձր աշխատավարձը:
Ավելի վաղ հաղորդվում էր, որ «Ալ Իթիֆակի» գլխավոր մարզիչ Սթիվեն Ջերարդը ցանկանում է ակումբ հրավիրել Օբամեյանգին։
Հարձակվողի պայմանագիրը «Չելսիի» հետ նախատեսված է մինչև 2024 թվականի ամառը։ Օբամեյանգը նախորդ մրցաշրջանում անցկացրել է 21 խաղ՝ դառնալով 3 գոլի և գոլային փոխանցման հեղինակ։
