Միլանի «Ինտերը» լուրջ հետաքրքրություն է ցուցաբերում «Թոթենհեմի» 36-ամյա դարպասապահ Ուգո Լյորիսի նկատմամբ: Ֆրանսիացի ֆուտբոլիստը դիտվում է որպես նախընտրելի փոխարինող, եթե Անդրե Օնանան հեռանա «Մանչեսթեր Յունայթեդ», հայտնում է Footmercato-ն:
Աղբյուրի համաձայն՝ ֆրանսիացի 36-ամյա դարպասապահը «ներաձուրիի» համար ամենագրավիչ տարբերակն է մի քանի պատճառով։ Նախ, Լյորիսի պայմանագիրը «Թոթենհեմի» հետ նախատեսված է միայն մինչև 2024 թվականի հունիսը: Նաև իտալացի դարպասապահ Գուլիելմո Վիկարիոյի տեղափոխությունը «Թոթենհեմի» ճամբար, որը նախկինում «Ինտերի» համար նախընտրելի տարբերակն էր, մեծապես հեշտացնում է գործարքը։
Անցած մրցաշրջանում ֆրանսիացի դարպասապահը «Թոթենհեմի» կազմում անցկացրել է 25 հանդիպում Անգլիայի Պրեմիեր լիգայում:
