ՊՍԺ-ի նախագահ Նասեր Ալ-Խելաիֆին մեկնաբանել է փարիզցիների հարձակվող Կիլիան Մբապպեի շուրջ ստեղծված իրավիճակը։
«Իմ դիրքորոշումը շատ պարզ է՝ եթե Մբապպեն ցանկանում է մնալ, մենք ցանկանում ենք, որ նա մնա։ Բայց նա պետք է նոր պայմանագիր ստորագրի։ Մենք չենք կարող անվճար բաց թողնել աշխարհի լավագույն ֆուտբոլիստին: Սա անհնար է։
Մի անգամ նա ասաց. «Ես երբեք անվճար չեմ հեռանա։ Նա ինձ խոստացավ։ Եթե նա այսօր մտափոխվել է, ապա դա իմ մեղքը չէ»,- Ալ-Խելաիֆիի խոսքերն է մեջբերում Actu Foot-ը։
Ավելի վաղ հաղորդվում էր, որ 24-ամյա հարձակվողը հայտնել է ակումբին, որ չի ծրագրում ակտիվացնել պայմանագիրը մինչև 2025 թվականը երկարաձգելու տարբերակը։ Մբապպեի գործող պայմանագիրը ՊՍԺ-ի հետ ավարտվում է հաջորդ ամառ:
