Թուրինի «Յուվենտուսի» կիսապաշտպան Խուան Կուադրադոն նոր մրցաշրջանում չի մնա թիմում։
Հայտնի ինսայդեր Ֆաբրիցիո Ռոմանոյի խոսքերով, ֆուտբոլիստը չի երկարաձգի թուրինյան ակումբի հետ աշխատանքային պայմանագիրը, որն ավարտվում է ուրբաթ օրը՝ հունիսի 30-ին։
Այսպիսով, 35-ամյա կոլումբիացին թիմից կհեռանա ազատ գործակալի կարգավիճակով։
Ավելի վաղ հաղորդվում էր, որ «Յուվենտուսը» նոր պայմանագիր է առաջարկել Կուադրադոյին՝ աշխատավարձի կրճատմամբ։
Նախօրեին լրատվամիջոցներում տեղեկություններ հայտնվեցին թուրքական «Ֆեներբախչեի» ֆուտբոլիստի ծառայություններով հետաքրքրվելու մասին։
