22-ամյա կիսապաշտպան Ֆելիքս Նմեչան, ում տրանսֆերային իրավունքները պատկանում են գերմանական «Վոլֆսբուրգին»  ամռանը կարող է փոխել ակումբային գրանցումը։

Այս մասին սոցցանցերում հայտնել է ինսայդեր Ֆլորիան Պլետենբերգը։

Ըստ լրագրողի՝ կիսապաշտպանը հնարավորություն ունի կարիերան շարունակել Գերմանիայի առաջնությունում ավելի բարձր կարգավիճակ ունեցող ակումբում։ Խոսքը Դորտմունդի «Բորուսիայի» մասին է։

Նմեչան «Վոլֆսբուրգի» գույները պաշտպանում է 2021 թվականից։ «Գայլերի» հետ նրա աշխատանքային պայմանագրի ժամկետը հաշվարկված է մինչեւ 2025 թվականի կեսերը։

Անցած մրցաշրջանում Ֆելիքսը անցկացրել է 32 հանդիպում, որոնցում դարձել է 3 գոլի և 6 գոլային փոխանցման հեղինակ։