Մադրիդի «Ատլետիկոյի» հարձակվող Անտուան Գրիզմանը խոստովանել է, որ ցանկանում է ապագայում հանդես գալ ամերիկյան ՄԼՍ լիգայում։
«Ես երազում եմ այդ մասին։ Երբ ես այնտեղ հասնեմ, ուզում եմ լավագույնս լինել: ՄԼՍ-ում հանդես գալը ինձ համար միանշանակ նպատակ է»,- ֆուտբոլիստի խոսքերը մեջբերում է Goal-ը։
2022/23 մրցաշրջանում Գրիզմանը Մադրիդի «Ատլետիկոյի» կազմում անցկացրած 48 խաղում դարձել է 16 գոլի և 19 գոլային փոխանցման հեղինակ։ Transfermarkt.com պորտալը 32-ամյա ֆրանսիացու արժեքը գնահատում է 25 միլիոն եվրո։
