Մադրիդի «Ռեալի» դարպասապահ Տիբո Կուրտուան չի մասնակցի Լա Լիգայի այսօր կայանալիք «Ժիրոնայի» դեմ արտագնա խաղին։ «Արքայական ակումբի» պաշտոնական կայքը հայտնում է, որ բելգիացին ստամոքսի հետ կապված խնդիրներ է ունեցել։
Այսպիսով, «Ժիրոնայի» դեմ այսօր կայանալիք խաղում Մադրիդի «Ռեալի» դարպասը, ամենայն հավանականությամբ, կպաշտպանի Անդրեյ Լունինը, ով այս մրցաշրջանում Իսպանիայի առաջնությունում անցկացրել է 6 հանդիպում:
Ավելի վաղ լուրեր էին շրջանառվում, որ ուկրաինացին ցանկանում է մրցաշրջանի ավարտից հետո հեռանալ Մադրիդի «Ռեալից»։
