«Նոթինգհեմի» դարպասապահ Կեյլոր Նավասը, ում իրավունքները պատկանում են ՊՍԺ-ին, խոստովանել է, որ պատրաստ է վերադառնալ փարիզյան ակումբ և տեղ զբաղեցնել թիմի մեկնարկային կազմում։
«Ես դեռ մեկ տարի ունեմ ՊՍԺ-ի հետ պայմանագրիս ավարտին։ Եթե ես հնարավորություն ստանամ վերադառնալ այնտեղ և խաղալ, ապա ես զգում եմ, որ կարող եմ հաղթել Չեմպիոնների Լիգան նրանց հետ: Երբ ես ՊՍԺ-ում էի, մենք արդեն ունեինք այդ հնարավորությունը»,- ասել է Նավասը Canal+-ին տված հարցազրույցում:
Նշենք, որ «Պարի Սեն Ժերմենի» հիմնական դարպասապահն այս պահին Ջանլուիջի Դոննարուման է։
