«Բարսելոնայի» աջ պաշտպան Սերխինո Դեստը, ով վարձավճարով հանդես է գալիս «Միլանում», այս ամառ պետք է նոր ակումբ փնտրի: Ինչպես արդեն հաղորդվել է, «ռոսոներիները» մտադիր չեն գնել ամերիկացուն՝ չնայած վարձակալության պայմանագրում նման տարբերակի առկայությանը։
Ինչպես հայտնում է AS-ը, «Բարսելոնան» նույնպես ֆուտբոլիստի կարիքը չունի: Չավին իր թիմում տեղ չի տեսնում 22-ամյա պաշտպանի համար։ Ընթացիկ մրցաշրջանի ավարտից հետո ակումբը կփորձի վաճառել Դեստի տրանսֆերային իրավունքները։
Նշենք, որ ընթացիկ մրցաշրջանում Դեստը «Միլանի» կազմում անցկացրել է ընդամենը 14 հանդիպում: Ֆուտբոլիստի պայմանագիրը «Բարսելոնայի» հետ նախատեսված է մինչև 2025 թվականը:
