«Մանչեսթեր Յունայթեդի» կիսապաշտպան Մարսել Զաբիցերը ճանաչվել է Եվրոպա Լիգայի շաբաթվա լավագույն ֆուտբոլիստ։

Մրցանակի շնորհման մասին ՈւԵՖԱ-ի մամուլի ծառայությունը հայտարարել է կազմակերպության պաշտոնական կայքում քվեարկությունից հետո։ «Սևիլիայի» դեմ խաղում, որն ավարտվեց 2:2 հաշվով, ավստրիացի կիսապաշտպանը դուբլի հեղինակ է դարձել։ Մրցանակին հավակնել են նաև Օրկուն Կյոկչուն (Ֆեյենորդ), Վիկտոր Բոնիֆասեն (Յունիոն) և Ֆեդերիկո Գատին (Յուվենտուս):

Հիշեցնենք, որ «Սևիլիա»-«Մանչեսթեր Յունայթեդ» պատասխան հանդիպումը կկայանա հաջորդ հինգշաբթի՝ ապրիլի 20-ին, Իսպանիայում։