«Բավարիայի» կիսապաշտպան Ռայան Գրավենբերխը խոսել է մյունխենյան ակումբում ստացած խաղաժամանակի մասին։
20-ամյա հոլանդացին ասել է, որ չի զղջում անցած ամառ «Այաքսից» «Բավարիա» տեղափոխվելու համար՝ չնայած Գերմանիայում ունեցած դժվարություններին:
«Ես հույս ունեի, որ ավելի շատ կխաղամ «Բավարիայում». Ես տխուր եմ, բայց կարծում եմ որ այսպիսի փորձառությունների շնորհիվ ես միայն ավելի լավ կդառնամ»,- Գրավենբերխի խոսքերն է մեջբերում Ajax Show Time-ը։
Այս մրցաշրջանում կիսապաշտպանը «Բավարիայի» կազմում անցկացրել է 26 հանդիպում՝ դառնալով մեկ գոլի և մեկ գոլային փոխանցման հեղինակ:
