Մյունխենի «Բավարիայի» ֆուտբոլիստ Սերժ Գնաբրին դեմ չէ այս ամառ ակումբից հեռանալուն, հայտնում է լրագրող Ֆլորիան Պլետենբերգը։
Աղբյուրի համաձայն՝ «Բավարիան» նույնպես պատրաստ է բաժանվել ֆուտբոլիստից։ Բացի այդ, ղեկավարությունը դիտարկում է Լերոյին Սանեին վաճառելու հնարավորությունը:
Գնաբրիին հաճախ են քննադատում «Բավարիայում», ուստի նա ցանկանում է տեղափոխվել այլ ակումբ: Մյունխենցիները 2022 թվականի ամռանն արդեն մտածում էին Գնաբրիին վաճառելու մասին, բայց ի վերջո նրան նոր պայմանագիր կնքեցին։
Այս մրցաշրջանում ֆուտբոլիստը Բունդեսլիգայում դարձել է 9 գոլի և 4 գոլային փոխանցման հեղինակ։ 27-ամյա գերմանացու պայմանագիրը «Բավարիայի» հետ նախատեսված է մինչև 2027 թվականի ամառ։
