Պաշտպան Մարսելոն կարիերան կշարունակի Բրազիլիայի առաջնությունում։
34-ամյա ֆուտբոլիստը տեղափոխվել է «Ֆլումինենսե», որի սան է եղել։
«Եկել է վերադառնալու ժամանակը»,- գրել է բրազիլական ակումբը թվիթերում։
Բրազիլացու վերջին ակումբը եղել է «Օլիմպիակոսը»: 2022 թվականի սեպտեմբերից Մարսելոն հունական թիմի կազմում անցկացրել է 10 հանդիպում, փետրվարի կեսերին կողմերը խզել էին պայմանագիրը։
