Կառլո Անչելոտտին գոհ է մնացել «Ռեալի»՝ «Էլչեի» նկատմամբ տարած հաղթանակից։
Լա լիգայի 21-րդ տուրի հետաձգված խաղում մադրիդցիները սեփական հարկի տակ 4:0 հաշվով ջախջախեցին մրցակցին։
«Լավ խաղ էր։ Մենք վերահսկում էինք հանդիպման ընթացքը, լավ էինք գործում մրցակցի տուգանայինում, բազմաթիվ պահեր ունեինք, հակառակորդին չթողեցինք հակագրոհել։ Ամեն ինչ լավ ստացվեց մրցաշրջանի այսպիսի կարևոր պահին։ Մեզ կայունություն է պետք։
Ի՞նչ է նշանակում Բենզեման «Ռեալի» համար: Նա պարզապես հարձակվող չէ: Նա լավ քիմիա ունի թիմակիցների հետ: Սա հարձակվող է, ով միշտ պատրաստ է փակել գրոհը տուգանային հրապարակում և միևնույն ժամանակ մեզ շատ է օգնում գնդակին տիրապետելու հարցում։ Դուբլից հետո նա այժմ երկրորդն է Մադրիդի «Ռեալի» լավագույն ռմբարկուների թվում Լա Լիգայում:
Կարիմը ֆանտաստիկ կարիերա է ունեցել. Հուսով եմ, որ նա կարող է շարունակել խաղալ այսպես, քանի որ «Ռեալի» բոլոր երկրպագուները դա են ցանկանում»,- ասել է «Ռեալի» գլխավոր մարզիչը DAZN-ին։
