Կատալոնական «Բարսելոնայի» լեհ ռմբարկու Ռոբերտ Լևանդովսկին խոսել է թիմի գլխավոր մարզիչ Չավիի հետ աշխատանքի մասին:
«Նրա հետ աշխատելով ես զգում եմ, որ ճիշտ եմ վարվում: Նա ինձ վստահություն է հաղորդում: Չավին անհավանական ֆուտբոլիստ էր, այնպես որ թիմի ներսում բոլորը հավատում են նրա գաղափարներին:
Նա հստակ տարանջատում է ֆուտբոլիստի ու մարզչի մասնագիտությունները, այդ պատճառով էլ հաջողակ է ամեն հարցում»,- Լևանդովսկիի խոսքը մեջբերում է Marca-ն:
Ռոբերտ Լևանդովսկին ընթացիկ մրցաշրջանում մասնակցել է 26 խաղի, խփել 23 գոլ, կատարել 5 գոլային փոխանցում:
Transermarkt-ը 45 միլիոն եվրո է գնահատում նրա տրանսֆերային արժեքը:
