Բրազիլացի հարձակվող Ռաֆինյա Դիասը այս մրցաշրջանի ավարտից հետո կարող է հեռանալ կատալոնական «Բարսելոնայից»։ Այս մասին հայտնում է Diario Sport-ը։
Աղբյուրի համաձայն, «Բարսելոնայի» ղեկավարությունը դժգոհ են ֆուտբոլիստի խաղային մակարդակից և գնալով մտածում են նրան վաճառելու մասին։ Եթե Ռաֆինյայի առաջընթացը տեսանելի չլինի մինչև մրցաշրջանի ավարտը, ակումբը նրան կներկայացնի տրանսֆերային ցուցակում։
Նշենք, որ 26-ամյա հարավամերիկացին նախորդ ամառ համալրել է «Բարսելոնայի» շարքերը: Կատալոնական ակումբը Ռաֆինյային գնել է անգլիական «Լիդսից» 58 միլիոն եվրոյով։
Ֆուտբոլիստի գործող պայմանագիրը ավարտվում է 2027 թվականին։
