Մադրիդի «Ռեալի» գլխավոր մարզիչ Կարլո Անչելոտին խոսել է ուկրաինացի դարպասապահ Անդրեյ Լունինի մասին։
«Լունինն իրեն լավ է զգում, երիտասարդ է, շատ որակներ ունի։ Այս խաղերը ծառայում են փորձ ու գիտելիք կուտակելուն, ու սա միակ բանն է, որ նրան այս պահին պակասում է։ Լունինը հիանալի դարպասապահի որակներ ունի։ Լունինը բավականին ամաչկոտ է, նա շատ խոսողներից չէ։ Նորմալ է, որ այն ամենը, ինչ տեղի է ունենում Ուկրաինայում, ազդում է նաև դրա վրա։ Միակ բանը, որ մենք կարող ենք անել՝ համերաշխություն ցուցաբերելն է»,- Անչելոտիի խոսքերն է մեջբերում Goal-ը:
