«Բարսելոնան» դիտարկում է «Արսենալի» պաշտպան Էկտոր Բելերինին ձեռք բերելու տարբերակը:
Ըստ Mundo Deportivo-ի, ակումբը սկսել է հետևել 27-ամյա պաշտպանի խաղին այն բանից հետո, երբ բաց թողեց Սեզար Ասպիլիկուետայի հետ պայմանագիր կնքելու հնարավորությունը:
Նշվում է, որ «Բարսելոնան» կարող է ձեռք բերել իսպանացուն, եթե գրանցի իր բոլոր նոր ձեռքբերումները և ավարտի գործարքը «Չելսիի» պաշտպան Մարկոս Ալոնսոյի տրանսֆերի վերաբերյալ:
Ավելի վաղ հաղորդվում էր, որ Բելերինը մտադիր է խզել պայմանագիրը «Արսենալի» հետ՝ «Բետիս» վերադառնալու համար, որի կազմում նախորդ մրցաշրջանում հանդես էր գալիս վարձավճարով։
2021/22 մրցաշրջանում պաշտպանը «Բետիսի» կազմում անցկացրած 32 խաղում կատարել է 5 գոլային փոխանցում։ Transfermarkt.com պորտալը ֆուտբոլիստի արժեքը գնահատում է 20 միլիոն եվրո:
Նրա պայմանագիրն «Արսենալի» հետ նախատեսված է մինչև 2023 թվականի հունիսի վերջը։
