«Յուվենտուսի» նախկին պաշտպան Անդրեա Բարձալին կիսվել է իր կարծիքով իր նախկին թիմակից Պոլ Պոգբայի հասցեին հրապարակային քննադատության մասին, ով շուտով պաշտոնապես կներկայացվի որպես թուրինյան ակումբի նորեկ։
2016 թվականին Պոգբան 105 միլիոն եվրոյի դիմաց «Յուվենտուսից» տեղափոխվեց «Մանչեսթեր Յունայթեդ»։ Այս ամռանը «Յունայթեդից» հեռանալուց հետո Պոգբան ազատ գործակալ է։
«Մանչեսթերում Պոգբան պետք է ապացուցեր, որ արժեր այն 105 միլիոնը, որը «Յունայթեդը» ծախսեց նրա վրա։
Հեռվից չես նկատում, թե ինչպիսի ճնշում է կրում այս տղան՝ անկախ տարիքից, երբ այդքան մեծ սպասելիքներ կան։ Եթե տարեկան 60 գոլ ես խփում, ուրեմն ամեն ինչ լավ է։ Հակառակ դեպքում դժվար է ապացուցել, որ դու 105 միլիոն արժես»,- ասել է Բարձալին Tuttosport-ին տված հարցազրույցում:
