«Լիվերպուլը» համաձայնության է եկել «Բենֆիկայի» հարձակվող Դարվին Նունեսի հետ պայմանագիր կնքելու հարցում, հայտնում է ինսայդեր Ֆաբրիցիո Ռոմանոն:
Աղբյուրի համաձայն՝ անգլիական ակումբը 22-ամյա հարձակվողի տրանսֆերի համար «Բենֆիկային» կվճարի 80 միլիոն եվրո և ևս 20 միլիոն՝ բոնուսների տեսքով։
Ուրուգվայցու հետ պայմանագիրը նախատեսված կլինի 5 տարով։ Գործարքն արդեն ամբողջությամբ համաձայնեցվել է։
Նախորդ մրցաշրջանում Նունեսը «Բենֆիկայի» կազմում անցկացրել է 41 հանդիպում՝ դառնալով 34 գոլի և 4 գոլային փոխանցման հեղինակ։
