«Կալյարին» մայիսի 2-ին իր պաշտոնական կայքում հայտարարել է, որ Վալտեր Մացարին հեռացվել է թիմի գլխավոր մարզչի պաշտոնից։
Թիմը 60-ամյա մասնագետի գլխավորությամբ պարտվել է Ա Սերիայի վերջին ութ խաղից յոթում՝ մոտենալով լքման գոտուն:
«Կալյարին» այժմ 28 միավորով 17-րդ տեղում է: 18-րդ հորիզոնականում ընթացող «Սալերնիտանան» ունի 25 միավոր, սակայն 2 խաղ պակաս է անցկացրել:
Հաջորդ տուրում թիմերը կհանդիպեն միմյանց հետ։ «Սալերնիտանա» – «Կալյարի» հանդիպումը կկայանա մայիսի 8-ին։
