«Մանչեսթեր Յունայթեդի» հարձակվող Կրիշտիանու Ռոնալդուն Անգլիայի Պրեմիեր Լիգայի 35-րդ տուրի՝ «Բրենթֆորդի» հետ խաղում (3:0) վաստակեց և անվրեպ իրացրեց 11-մետրանոցը։

Այս գոլը 18-րդն էր պորտուգալացի ֆուտբոլիստի համար ԱՊԼ-ի ընթացիկ խաղարկությունում։ Անգլիայի 2021/2022 առաջնությունում նա այդ ցուցանիշով 3-րդ տեղում է։ 37-ամյա հարձակվողը նաև 3 գոլային փոխանցում ունի իր հաշվին։

Լավագույն ռմբարկուների ցանկը 22 գոլով գլխավորում է «Լիվերպուլի» հարձակվող Մոհամեդ Սալահը: «Թոթենհեմի» հարձակվող Հին Մին Սոնը 19 գոլով 2-րդն է: