«Մանչեսթեր Յունայթեդի» գլխավոր մարզիչ Ռալֆ Ռանգնիկն արձագանքել է լուրերին, թե մանկունիանցիները պայմանավորվել են Էրիկ տեն Հագի հետ՝ նրան գլխավոր մարզչի պաշտոնում նշանակելու հարցում։
«Ես ոչինչ չգիտեմ այդ մասին, տեղյակ եմ միայն, որ կողմերը բանակցում են։ Գաղտնիք չէ, որ Էրիկը լավագույններից մեկն է աշխարհում:
Տեն Հագը լավ մարզիչ է, նա լավ աշխատանք է կատարել «Այաքսում», բայց հիմա դրա մասին խոսելն անիմաստ է», – Ռանգնիկի խոսքերն է մեջբերել լրագրող Ֆաբրիցիո Ռոմանոն իր թվիթերում:
