«Ռոմայի» ավագ Լորենցո Պելեգրինին Կոնֆերենցիաների Լիգայի 1/4 եզրափակչի պատասխան խաղում «Բուդե-Գլիմտին» հաղթելուց (4:0) հետո նշել է, որ հռոմեական ակումբը դեռ կարող է ավելացնել։
«Մենք դեռ կարող ենք բարելավել շատ ասպկետներում, բայց չի կարելի ասել, որ մենք չենք կարող բարձրացնել մեր խաղամակարդակը, երբ դա անհրաժեշտ է: Ես շատ ուրախ եմ և գոհ։ Չէի կասկածում, որ հաջողության կհասնենք: Ես հասկանում էի, որ հեշտ չի լինելու, բայց վստահ էի, որ մենք հաջողության կհասնենք»,- Պելեգրինիի խոսքերն է մեջբերում ՈւԵՖԱ-ի մամուլի ծառայությունը։
«Ռոման» առաջին խաղում պարտվել էր 1:2 հաշվով, այդ պատճառով պատասխան հանդիպմանը խոշոր հաշվով հաղթանակը թիմին դուրս բերեց Կոնֆերենցիաների Լիգայի կիսաեզրափակիչ:
