ՊՍԺ-ի գլխավոր մարզիչ Մաուրիսիո Պոչետինոն Լիգա 1-ի 32-րդ տուրի «Մարսելի» դեմ խաղից առաջ դիմել է փարիզյան ակումբի երկրպագուներին:

««Մարսելի» դեմ խաղն առանձնահատուկ է: Երկրպագուները կարող են դժգոհ լինել, մենք նորմալ ենք վերաբերվում քննադատությանը: Հույս ունենք, որ մեր երկրպագուները կաջակցեն թիմին դժվարին հանդիպմանը։ Ամեն ինչ անելու ենք հաղթելու համար։ Պետք է պահպանել ՊՍԺ-ի իմիջը»,- արգենտինացի մասնագետին է ցիտում Goal-ը:

ՊՍԺ – «Մարսել» հանդիպումը կկայանա ապրիլի 17-ին։ Մեկնարկը՝ Երևանի ժամանակով 22:45-ին։ Փարիզցիները մրցաշարային աղյուսակում 1-ին հորիզոնականում են (71 միավոր), «Մարսելը»՝ 2-րդ (59 միավոր)։