«Միլանի» գլխավոր մարզիչ Ստեֆանո Պիոլին մեկնաբանել է «Տորինոյի» հետ խաղում արձանագրված ոչ-ոքին (0:0) Ա Սերիայի 32-րդ տուրում։
«Մենք ամեն ինչ արեցինք գոլ խփելու համար. Բոլորի համար դժվար է գոլ խփել «Տորինոյի» դեմ խաղում, մենք շատ գոլային պահեր չունեինք, բայց փորձեցինք անել առավելագույնը:
Մենք պայքարում էինք յուրաքանչյուր գնդակի համար, բայց վերջում բաց էինք թողնում այդ կախարդական գոլային պահը։ Սա դրական արդյունք է, բայց ցանկանում էինք հաղթել։
Վերջին երկու-երեք շաբաթվա ընթացքում նա, ում ֆավորիտ են անվանում, հակված է սխալվել: Մենք կպայքարենք մինչև վերջ»,- ասել է Պիոլին:
