«Բարսելոնայի» հարձակվող Ուսման Դեմբելեն չի տեղափոխվի «Չելսի», հայտնում է El Larguero-ն՝ հղում անելով Cadena SER-ի լրագրող Խավիեր Մատալանասին։
Աղբյուրի տեղեկություններով՝ 24-ամյա ֆուտբոլիստը մերժել է լոնդոնյան ակումբ տեղափոխվելու առաջարկը։
Ավելի վաղ հաղորդվում էր, որ «Չելսին» ցանկանում է ֆրանսիացի ֆուտբոլիստին ձեռք բերել ամառային տրանսֆերային պատուհանի ընթացքում՝ որպես ազատ գործակալի:
Դեմբելեն ընթացիկ մրցաշրջանում «Բարսելոնայի» կազմում անցկացրած 22 խաղում դարձել է 2 գոլի և 10 գոլային փոխանցման հեղինակ։
Նրա պայմանագիրը կատալոնական ակումբի հետ լրանում է 2022 թվականի հունիսի 30-ին։
