«Բարսելոնայի» գլխավոր մարզիչ Հանս-Դիտեր Ֆլիկը որոշել է հանդիպում անցկացնել «Բլաուգրանայի» ֆիզպատրաստության մարզիչների հետ Լա լիգայի 8-րդ տուրում «Սևիլիայից» կրած 4-1 հաշվով պարտությունից հետո, հայտնում է Sport.es-ը՝ հղում անելով Catalunya Radio-ին։
Աղբյուրի համաձայն՝ գերմանացի մասնագետը կարծում է, որ «Բարսելոնայի» խաղացողները մրցաշրջանի այս փուլում չեն գտնվում այն ֆիզիկական պատրաստվածության մակարդակում, որը պետք է լինեին։ Մասնավորապես, կիսապաշտպան Պեդրիի մասին նշվում է, որ նա նախորդ տարվա ինտենսիվության մակարդակից ցածր է եղել։
Նշվում է, որ ներկայիս ծանրաբեռնվածությունը սպասվածից ցածր է։ Սա պայմանավորված է նրանով, որ թիմը նախորդ մրցաշրջանի համեմատ ավելի մեծ հոգնածություն է զգում։ Արդյունքում, նրանք չեն կարողանում բարձրացնել իրենց ինտենսիվությունը։ Ֆլիկը ցանկանում է, որ ֆուտբոլիստները մարտ ամսին հասնեն իրենց գագաթնակետին, բայց եթե ծանրաբեռնվածությունը չավելացվի, նրանք չեն կարողանա հասնել այս նպատակին։
