«Մանչեսթեր Սիթին» բանակցություններ է սկսել «Ինտերի» հետ 29-ամյա աջ պաշտպան Դենզել Դյումֆրիսի հնարավոր տրանսֆերի վերաբերյալ, որին «Քաղաքայինները» տեսնում են որպես ակումբից հեռացած Քայլ Ուոքերի փոխարինող։ Այս մասին հայտնել է Football Transfers-ը։

Աղբյուրի փոխանցմամբ՝ հոլանդացի ֆուտբոլիստի պայմանագրում նշված է, որ նրան կարող են ձեռք բերել 25 միլիոն եվրոյով մինչև հուլիսի 15-ը։ «Մանչեսթեր Սիթին» այս գործարքը համարում է շահավետ։

Ավելի վաղ լրատվամիջոցները հայտնել էին Դյումֆրիսի նկատմամբ «Բարսելոնայի» հետաքրքրության մասին։

Անցյալ մրցաշրջանում Դյումֆրիսը մասնակցել է բոլոր մրցաշարերում 47 խաղի, որոնցում խփել է 11 գոլ և կատարել վեց գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2028 թվականի ամառը։