«Մանչեսթեր Յունայթեդի» 27-ամյա հարձակվող Մարկուս Ռեշֆորդը խոսել է իր խաղի և լեգենդար ֆրանսիացի հարձակվող Թիերի Անրիի խաղի նմանությունների մասին, որը նախկինում հանդես է եկել «Արսենալում» և «Բարսելոնայում»։
«Ես ինձ տեսնում եմ Անրիի մեջ։ Նա հարմարավետ է խաղում և՛ ձախ եզրում, և՛ կենտրոնում։ Ինչպես ես զարգացել եմ, իններորդ համարի դիրքը դարձել է ավելի հարմարավետ, ավելի բնական», – Ռեշֆորդի խոսքերն է մեջբերում Goal-ը։
Անցած մրցաշրջանի 41 խաղերում Ռեշֆորդը խփել է 11 գոլ և կատարել ինը գոլային փոխանցում։ Փետրվարից ի վեր ֆուտբոլիստը վարձավճարով հանդես է գալիս «Ասթոն Վիլայում»։
