«Բավարիան» ցանկանում է այս ամռանը հրավիրել ձախ հարձակվողի։
Լրագրող Ֆլորիան Պլետենբերգի խոսքով՝ Վենսան Կոմպանիի թիմը ընտրություն է կատարում երկու թեկնածուների միջև՝ Նիկո Ուիլյամս (Ատլետիկ) և Բրեդլի Բարկոլա (ՊՍԺ)։
Նշենք, որ Ուիլյամսի պայմանագրում ներառված է մոտ 55 միլիոն եվրոյի հրաժարագնի կետ, սակայն գործակալի վարձատրության և խաղացողի աշխատավարձի հաշվին գործարքը կարող է շատ թանկ նստել ակումբի վրա։
Բարկոլան ՊՍԺ-ում կայուն մեկնարկային խաղացող չէ, ուստի Բրեդլիի հեռանալը կարող է բավականին իրական լինել։ Աղբյուրը հայտնում է, որ «Բավարիան» դեռևս չի որոշել առաջնահերթ թեկնածուի վերաբերյալ։
