«Պարի Սեն Ժերմենը» պայմանագիր է կնքել «Ռոմայի» և Իտալիայի երիտասարդական հավաքականի 18-ամյա դարպասապահ Ռենատո Մարինի հետ։
Այս մասին հայտնում է L’Équipe-ը։
Աղբյուրի փոխանցմամբ՝ իտալացի դարպասապահը հինգ տարվա պայմանագիր է կնքել փարիզցիների հետ։ Նա թիմին կմիանա հուլիսի 1-ից, քանի որ հռոմեական ակումբը հրաժարվել է նրան բաց թողնել մինչև գործող պայմանագրի ժամկետի ավարտը։
Դարպասապահը այս մրցաշրջանում «Ռոմայի» կազմում ոչ մի հանդիպման չի մասնակցել։
