«Բարսելոնան» հետաքրքրված է «Էսպանյոլի» դարպասապահ Ժոան Գարսիայով, որին ակումբը տեսնում է որպես 35-ամյա դարպասապահ Վոյցեխ Շչեսնիի և 33-ամյա Մարկ-Անդրե տեր Շտեգենի երկարաժամկետ փոխարինող։ Այս մասին հայտնում է AS-ը։

Աղբյուրի տվյալներով՝ «Բլաուգրանան» կարող է մրցակցել «Արսենալի» հետ Գարսիայի տրանսֆերի համար պայքարում։ Լոնդոնյան ակումբը բանակցություններ է վարում «Էսպանյոլի» հետ իսպանացի դարպասապահի համար։ 24-ամյա դարպասապահի հրաժարագինը ներկայումս կազմում է 25 միլիոն եվրո, բայց այն կարող է աճել։

Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2028 թվականի ամառը։