«Արսենալը» պետք է վինգեր Նիկո Ուիլյամսին դարձնի ակումբի ամենաբարձր վարձատրվող խաղացողներից մեկը, եթե որոշի նրան գնել Բիլբաոյի «Ատլետիկից»: Այս մասին գրում է The Telegraph-ը։ Ավելի վաղ ԶԼՄ-ները հայտնում էին, որ «զինագործները» հետաքրքրված են 22-ամյա խաղացողի տրանսֆերով։

Աղբյուրի համաձայն՝ Ուիլյամսի աշխատավարձը իսպանական ակումբի հետ գործող պայմանագրով կազմում է շաբաթական 100 հազար ֆունտ (118 հազար եվրո)։

Ֆուտբոլիստի ներկայացուցիչներն ակնկալում են, որ եթե նա տեղափոխվի լոնդոնյան ակումբ, ապա նրա աշխատավարձը համեմատելի կլինի Բուկայո Սակայի, Կայ Հավերցի, Դեկլան Ռայսի և Մարտին Էդեգորի աշխատավարձերին, ովքեր շաբաթական ստանում են մոտ 250 հազար ֆունտ (295 հազար եվրո)։

Այս մրցաշրջանում Ուիլյամսը բոլոր մրցաշարերում մասնակցել է 38 հանդիպման, որոնցում դարձել է 9 գոլի և 7 գոլային փոխանցման հեղինակ։