«Բարսելոնայի» ներկայացուցիչներին շարունակում են հարցնել այս մրցաշրջանում բոլոր մրցաշարերում հաղթելու հնարավորության մասին։ Այս անգամ հարցը տրվել է ակումբի ղեկավար Ժոան Լապորտային։
«Եթե ես ձեզ ասեի, թե ինչի մասին եմ երազում, դուք ինձ չէիք հավատա»,- ծիծաղելով պատասխանել է «Բարսելոնայի» նախագահը, որը մեջբերում է Barca Universal-ը։ Հանս-Դիտեր Ֆլիկի թիմը գլխավորում է Լա լիգայի մրցաշարային աղյուսակը՝ երեք միավորով գերազանցելով Մադրիդի «Ռեալին»: Չեմպիոնների լիգայի քառորդ եզրափակիչում կատալոնական գրանդը կխաղա Դորտմունդի «Բորուսիայի» հետ։
