Մադրիդի «Ռեալի» նախկին կիսապաշտպան Գուտին խոսել է «Բարսելոնայի» 17-ամյա աստղ Լամին Յամալի խաղի մասին։
«Արդյո՞ք նա լավագույնն է․ Ի՞նչ է նշանակում լինել լավագույնը․ Լավագույնը լինել նշանակում է լինել լավագույնը յուրաքանչյուր խաղում, և նա լավագույնը չէ ամեն խաղում։
Նրա մոտ ամեն ինչ նույնն է, ինչ Կիլիան Մբապպեի ու Վինիսիուս Ժունիորի։ Նա հսկայական տաղանդ ունի, և մենք հաճախ ենք խոսում այն մասին, որ նա գոլ չի խփում, բայց նա կարող է իր փոխանցումներով վճռել հանդիպումների ելքը։ Յամալն այն ֆուտբոլիստն է, ով կարող է խաղի ելք որոշել մեկ փոխանցումով։
Ես չեմ տեսել, որ Մեսսին այսպես անի 17 տարեկան հասակում։ Յամալը Լա Լիգայի աստղն է, բայց դեռ երիտասարդ ֆուտբոլիստ է։ Նա ներկայումս «Բարսելոնայի» հենանիշն է»,- Գուտիի խոսքերն է մեջբերում Mundo Deportivo-ն։
