Կատալոնական «Բարսելոնան» և Լոնդոնի «Արսենալը» հետաքրքրված են «Էսպանյոլի» 23-ամյա դարպասապահ Ժոան Գարսիայի ծառայություններով։ Այս մասին հայտնում է Sport.es-ը։
Ըստ աղբյուրի՝ «Էսպանյոլը» չի ցանկանում վաճառել իսպանացի դարպասապահին, ուստի կպնդի, որ կատալոնացիները կամ լոնդոնցիները վճարեն 30 միլիոն եվրո հրաժարագին։
Այս մրցաշրջանում Գարսիան բոլոր մրցաշարերում անցկացրել է 25 հանդիպում՝ չորս անգամ անառիկ պահելով դարպասը։
Ֆուտբոլիստի գործող պայմանագիրն ակումբի հետ նախատեսված է մինչև 2028 թվականի ամառը:
