«Կրասնոդարի» կիսապաշտպան Էդուարդ Սպերցյանը կարող է տեղափոխվել գերմանական Բունդեսլիգա։ Ըստ Transferfeed-ի՝ հայ ֆուտբոլիստի ծառայություններով հետաքրքրված է Դորտմունդի «Բորուսիան»:

Գերմանական ակումբի ղեկավարությունը նախատեսում է ամառային տրանսֆերային պատուհանի ժամանակ պաշտոնականացնել ֆուտբոլիստի տրանսֆերը։

Սպերցյանի շուկայական արժեքը գնահատվում է 20 մլն եվրո։ Էդուարդի աշխատանքային պայմանագիրը ռուսական ակումբի հետ գործում է մինչև 2026 թվականի կեսերը:

Մրցաշրջանի առաջին կեսում կիսապաշտպանը Ռուսաստանի Պրեմիեր լիգայում անցկացրել է 18 հանդիպում՝ դառնալով 6 գոլի և երեք գոլային փոխանցման հեղինակ։