«Արսենալի» գլխավոր մարզիչ Միկել Արտետան մեկնաբանել է «զինագործների» հնարավոր մուտքը տրանսֆերային շուկա այս ձմռանը՝ վնասվածք ստացած Բուկայո Սակային և Ռահիմ Ստերլինգին փոխարինող գտնելու համար։
«Մենք պետք է գնահատենք այն, ինչ ունենք թիմում և ստեղծենք: Մենք չենք կարող նույնը ձևանալ, մենք պետք է տարբերվենք և գտնենք դրա լավագույն տարբերակը, լինենք մրցունակ և հաղթենք շատ խաղերում:
Այժմ ես մտադիր եմ աշխատել թիմով և առավելագույնս օգտագործել այն ամենը, ինչ ունենք։ Այն, ինչ տեղի է ունենում դրսում, իմ վերահսկողությունից դուրս է»,- Արտետայի խոսքերն է մեջբերում Sky Sports-ը:
Հիշեցնենք, որ Բուկայո Սական վնասվածք է ստացել Պրեմիեր լիգայի 17-րդ տուրի՝ «Քրիստալ Փելասի» հետ խաղում (5:1) և փոխարինվել հանդիպման ընթացքում։ Ռահիմ Ստերլինգը ծնկի վնասվածք է ստացել և շարքից դուրս է եկել մի քանի շաբաթով։
