«Բարսելոնայի» գլխավոր մարզիչ Հանս-Դիտեր Ֆլիկը դժգոհ է իր որակազրկումից։ Գերմանացի մարզիչը կարմիր քարտ է ստացել Լա Լիգայի նախորդ տուրի՝ «Բետիսի» դեմ խաղում (2:2):
Մասնագետը պատժվել է երկու խաղով որակազրկմամբ։ «Բարսելոնան» փորձել է վիճարկել այս որոշումը, սակայն բողոքարկումը մերժվել է։ Ինչպես հայտնում է Diario Sport-ը, Ֆլիկը ապշել է այս դատավճռից՝ նա չի հասկանում, թե ինչու է իրեն որակազրկել։
Աղբյուրի փոխանցմամբ՝ մենթորը նույնիսկ խոստովանել է, որ իր կարիերայում երբեք նման բանի չի հանդիպել։ «Բարսելոնան» մինչև 2024 թվականի վերջը պետք է առանց Ֆլիկի մնա մնացած երկու հանդիպումներում։
Կիրակի օրը կատալոնացիները կխաղան «Լեգանեսի» հետ, իսկ դեկտեմբերի 21-ին կհանդիպեն Մադրիդի «Ատլետիկոյին»։
