«Մանչեսթեր Յունայթեդը» Ռուբեն Ամորիմի գլխավորությամբ հաղթեց Եվրոպայի լիգայի երկրորդ խաղում: «Կարմիր սատանաները» հարձակվող Ռասմուս Հոյլունդի դուբլի շնորհիվ հաղթանակ տարան չեխական «Վիկտորիա Պլզենի» նկատմամբ (2:1):
Այսպիսով, թիմը հաղթել է եվրագավաթների մեկնարկային երկու հանդիպումներում էլ Ամորիմի գլխավորությամբ։ Ինչպես նշում է Opta-ն, պորտուգալացին դարձավ երրորդ մարզիչը, ում գլխավորությամբ «Մանչեսթեր Յունայթեդը» հաղթեց իր առաջին երկու հանդիպումները գլխավոր եվրոպական գավաթներից մեկում՝ սըր Մեթ Բասբիից և սըր Ալեքս Ֆերգյուսոնից հետո։
Ռուբեն Ամորիմը մանկունիանցիները գլխավորել է նոյեմբերին։ Նոր մասնագետի գլխավորությամբ եվրագավաթներում դեբյուտում «Յունայթեդը» հաղթեց նորվեգական «Բոդյո-Գլիմտին» (3:2):
