«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է հնարավոր հեռացման մասին հարցին։
«Ի՞նչ կլինի, եթե «Մանչեսթեր Սիթին» հեռացնի ինձ: Եթե այո, ուրեմն ես տուն կգնամ։ Կյանքը միշտ չէ, որ ստացվում է այնպես, ինչպես դու ես ուզում»,- Գվարդիոլայի խոսքերն է մեջբերում Goal-ը:
Հիշեցնենք, որ վերջերս Գվարդիոլան նոր պայմանագիր է ստորագրել «Մանչեսթեր Սիթիի» հետ՝ նախատեսված է մինչև 2026 թվականի կեսերը:
Միաժամանակ, թիմն այս պահին լավ չի հանդես գալիս։ Բոլոր մրցաշարերում վերջին տասը պաշտոնական խաղերում «քաղաքայինները» կարողացել են հաղթել միայն մեկ անգամ։
Պրեմիեր լիգայի հաջորդ խաղը «Մանչեսթեր Սիթին» կանցկացնի դեկտեմբերի 15-ին՝ սեփական հարկի տակ «Մանչեսթեր Յունայթեդի» դեմ։
